Quddusda ballistik raketa portlaganidan so‘ng uning yaqinida turgan BYD Atto 3 elektr krossoveri katta zarar ko‘rmasdan butun qoldi. Bu haqda “Korrespondent.net” xabar berdi.
Avtomobil portlash markazidan yarim metr uzoqlikda bo‘lsa-da, uning kuzov karkasi va salon konstruksiyasi butun qoldi. Eng muhim jihati shuki, yuqori voltli Blade LFP batareyasi zarar ko‘rmadi.
Mutaxassislar ta’kidlashicha, avtomobilga zarba to‘g‘ridan-to‘g‘ri kelmagan. Agar to‘liq portlash bo‘lganida, har qanday fuqarolik avtomobili butunlay yo‘q qilinishi mumkin edi. Ammo ushbu elektromobil kuchli zarba to‘lqini va yuqori harorat ta’siriga duch kelgan.
Voqea joyidan olingan suratlarda portlashdan keyin ham avtomobilning avariya chiroqlari yonib turganini ko‘rish mumkin. Bu past kuchlanishli elektr tizimi ishlashini davom ettirganini, ya’ni ba’zi tizimlar hali ham o‘z funksiyasini bajarayotganini ko‘rsatadi.
BYD Atto 3 ning kuzov karkasi o‘ta mustahkam po‘latdan ishlab chiqarilgani sababli A, B va C ustunlar shikastlanmagan, eshik tutqichlari va mexanik qulflar o‘z vazifasini bajargan. Natijada qutqaruvchilar jabrlanganlarni maxsus metall kesish asboblari ishlatmasdan evakuatsiya qila olishgan.
Isroilning Magen David Adom favqulodda yordam xizmati ma’lumotlariga ko‘ra, portlash vaqtida avtomobilda besh kishi bo‘lgan. Haydovchi o‘rtacha og‘ir tan jarohati olgan, yana to‘rt nafar yo‘lovchi yengil tan jarohati yoki shok holati bilan omon qolgan.
BYD kompaniyasi hodisaga qisqacha izoh berdi. Dynasty Sales bo‘limi rahbari Lu Tyan shunday dedi:
BYD Atto 3 modeli Euro NCAP va ANCAP tomonidan besh yulduzli xavfsizlik reytingiga ega. Xususan, katta yoshli yo‘lovchilarni himoya qilish bo‘yicha ko‘rsatkich 91 foizni tashkil etadi. Isroilda BYD Atto 3 2024 va 2025-yillarda eng mashhur elektromobil bo‘lgan. Ushbu hodisa esa elektromobilning nafaqat ekologik jihatdan, balki xavfsizlik bo‘yicha ham ishonchli ekanini yanada yaqqol ko‘rsatdi.“Xavfsizlik — bu hashamatning eng oliy ko‘rinishi. Bizning maqsadimiz insonlar hayotini saqlash, qolaversa, mijozlarimiz ishonchini oqlashdir”.
Izohlar
Izoh qoldirish uchun, avval