AQSH prezidenti Jo Bayden G‘arb demokratiya va avtokratiya o‘rtasida kechadigan, uzoq davom etadigan kurashga tayyorlanishi zarurligini qayd etdi. AQSH prezidentining fikricha, Ukraina demokratiya hamda erkinlik uchun kurash frontining oldi chiziqlarida bormoqda.
“Demokratiya uchun kurash tugamaydi va Sovuq urushdan keyin ham yakuniga yetmagan. Oxirgi 30 yil ichida avtoritarizm butun dunyoda qayta uyg‘ondi”, — degan Bayden Polshaga qilgan ikki kunlik safari yakunlari bo‘yicha bergan va CBS telekanali translyatsiya qilgan bayonotda.
“Kurashda yaqin kunlar yoki oylar ichida g‘alaba qozonib bo‘lmasligini tushunib olish zarur. Oldinda og‘ir qarama-qarshiliklar bo‘lishini anglab, ularga, uzoq davom etadigan jangga tayyorlanish kerak”, — degan AQSH prezidenti.
Shuningdek, Jo Bayden NATO mudofaa alyansi ekanligi, ushbu ittifoq hech qachon Rossiyaga tahdid qilmaganini ta’kidlagan. Uning so‘zlariga ko‘ra, NATO kengayishga intilayotgani yo‘q.
“Kreml NATOning kengayishini Rossiyada vaziyatni beqarorlashtiradigan imperialistik loyiha sifatida ko‘rsatishga urinmoqda. Ushbu gaplarning hech biri haqiqat emas. NATO — mudofaa alyansi”, — deya qayd etgan Bayden.
AQSH prezidenti Polshaga 25-mart kuni kelgan. 26-martda u Polsha prezidenti Anjey Duda, shuningdek, Ukraina tashqi ishlar vaziri Dmitriy Kuleba, mudofaa vaziri Aleksey Reznikov bilan uchrashgan.
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Izoh (0)