Ukrainadagi maxsus operatsiyada ishtirok etayotgan chechenistonlik harbiylar Mariupolning sharqiy qismida joylashgan Levoberejniy tumanini nazorat ostiga oldi. Bu haqda Checheniston rahbari Ramzan Qodirov o‘zining Telegram’dagi kanali orqali ma’lum qildi.
“Jangchilarimiz Mariupolning sharqiy qismida joylashgan va ‘Azovstal’ sanoat zonasidan ajralib qolgan butun Levoberejniy tumanini ‘banda’lardan tozaladi. Bu yerda ozod etilgan oxirgi bino — Levoberejniy tumani okrug prokuraturasi — jangchilar bayroqni ildi”, — deb yozadi Qodirov.
Uning so‘zlariga ko‘ra, aynan shu chechen bo‘linmasi 100 mingdan ortiq aholi istiqomat qiladigan shaharning sharqiy qismidagi dahalarni “to‘liq tozalagan”. “Ilgari Levoberejniy viloyatida faoliyat yuritgan ‘banditlar’ guruhining so‘nggi guruhlari yo‘qotishlarga uchrab, g‘arbiy yo‘nalishda qochib ketdi”, — deb qo‘shimcha qiladi u.
24-mart kuni Checheniston rahbari chechen janchilari tomonidan Mariupol ma’muriyati binosi nazorat ostiga olinganini ma’lum qilgandi.
Ta’kidlash kerakki, Mariupol atrofida hududlarda jangovar harakatlari 25-fevral kuni — maxsus harbiy operatsiyaning ertasi kunidan boshlangan. 11-mart kuni Mariupol qamalda qoldi. 18-martda Rossiya Mudofaa vazirligi Mariupol markazida janglar ketayotganini ma’lum qildi. 21-mart kuni esa Qodirov chechenistonlik harbiy xizmatchilar Mariupolga hujum boshlaganini bildirdi. Uning so‘zlariga ko‘ra, hujumga Rossiya Davlat dumasi deputati Adam Delimxanov boshchilik qilmoqda.
Avvalroq Rossiya Xarkov viloyatidagi Izyum shahri egallanganini ma’lum qilgan. Viloyat rahbari esa janglar davom etayotganini ta’kidlamoqda.
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Izoh (0)