Prezident Shavkat Mirziyoyev Toshkent xalqaro investitsiya forumning yalpi sessiyasida nutq so‘zlaydi.
Prezident matbuot kotibi Sherzod Asadovning xabar berishicha, forum doirasida davlat rahbari qator ikki tomonlama uchrashuvlar o‘tkazishi rejalashtirilgan.
Ma’lumot uchun, tadbirda YTTB prezidenti Odil-Reno Basso, Osiyo taraqqiyot banki prezidenti Masatsugu Asakava, Saudiya Arabistoni podshohligi investitsiyalar vaziri Xolid al-Falih, Jahon savdo tashkiloti vitse-prezidenti Syanchen Chjan, Osiyo infratuzilmaviy investitsiyalar banki vitse-prezidenti Konstantin Limitovskiy, Xalqaro moliya korporatsiyasi vitse-prezidenti Stefani fon Friderburg ham qatnashadi.
Mazkur sessiyada Yevropa tiklanish va taraqqiyot bankining kommunikatsiya masalalari bo‘yicha direktori Jonatan Charlz moderatorlik qiladi.
Shuningdek, Shavkat Mirziyoyev Surxondaryo viloyati Angor tumanida quvvati 1560 megavattli yangi issiqlik elektr stansiyasi qurilishini boshlash marosimida ishtirok etadi.
Izoh (0)