Ijtimoiy tarmoqlarda Qashqadaryo viloyatidagi maktabda o‘tkazilgan bayram tadbirida o‘quvchi qizning yiqilib tushib, vafot etgani tasvirlangan video tarqaldi.
“Daryo” so‘roviga javob bergan Mirishkor tumani hokimligi axborot xizmati rahbari Azizbek Yazdurdiyev voqea 2022-yilning 19-mart kuni tumandagi 33-sonli maktabda sodir bo‘lganini tasdiqladi.
“Chandir qishlog‘idagi 33-sonli maktabda 19-mart kuni Navro‘z bayramiga bag‘ishlangan tadbir bo‘lib o‘tgan. Tadbirda qizlar ishtirokida raqs sahnasi namoyish etilgan. 10-sinf o‘quvchisi shu payt yerga yiqilib tushib, hushini yo‘qotgan. O‘quvchi qizning avvaldan epilepsiya kasalligi bo‘lgan. Biroq yaqinlari uning bu kasalligini oshkor etishni istashmagan. Hushini yo‘qotgan qiz shifoxonaga borguncha, yo‘lda vafot etgan”, — deydi Azizbek Yazdurdiyev.
Azizbek Yazdurdiyevning qo‘shimcha qilishicha, o‘quvchi qiz oiladagi uch nafar farzandning ikkinchisi bo‘lgan. Holat IIB va viloyat Sog‘liqni saqlash boshqarmasi tomonidan o‘rganilmoqda.
Izoh (0)