“PSJ” Erling Holandga Kilian Mbappening maoshini taklif qilmoqchi

“PSJ” “Borussiya D” hujumchisi Erling Holandni sotib olmoqchi.

Fransuz klubi 21 yoshli hujumchini faoliyatini “Real”da davom ettirishi mumkin bo‘lgan Kilian Mbappega o‘rinbosar sifatida ko‘rmoqda.

Cadena SER nashrining Holandning atrofidagilarga tayanib xabar berishicha, “PSJ” norvegiyalik futbolchiga Mbappe olgan maoshni taklif qiladi. Parijliklar Holandni yangi loyihaning asosiy yulduzi sifatida ko‘rmoqda. So‘nggi ma’lumotlarga ko‘ra, Mbappe “PSJ”da oyiga 2,22 mln yevro oladi.

Shu tariqa “PSJ” Erling uchun “Real”, “Manchester Siti” va “Barselona” bilan raqobatlashadi.

21 yoshli hujumchi joriy mavsumda Dortmundliklar safida (barcha musobaqalarda) 23 ta o‘yinda maydonga tushib, 23 ta gol urdi va 5 ta golli uzatmani amalga oshirdi.