Janubiy Koreyaning sobiq prezidenti Pak Kin Xe xonim qamoqdan chiqqanidan keyin 3 oylik davolanish kursini o‘tab, shifoxonani tark etdi, deb yozmoqda Reuters.
70 yoshli Pak Kin Xe mamlakatning demokratik yo‘l bilan saylangan birinchi rahbari bo‘lgandi. 2017-yilda Samsung va Lotte rahbarlariga ham ta’sir ko‘rsatgan mojaro tufayli Pakga nisbatan Konstitutsiyaviy sud tomonidan impichment e’lon qilinib, u lavozimidan chetlashtirilgan.
Janubiy Koreyaning birinchi ayol prezidenti korrupsiyada ayblanib sudlanganidan keyin deyarli besh yil qamoqda o‘tirdi.
“Prezident sifatida men vatan va xalq uchun astoydil ishlashga harakat qildim, lekin amalga oshmagan maqsad va orzularim ham ko‘p. Bu vazifalar endi boshqalarning zimmasida. Men iqtidorli insonlar ona shahrim Tegu va mamlakatim taraqqiyotiga hissa qo‘shishini qo‘llab-quvvatlayman” , — dedi Pak yuzlab tarafdorlariga va siyosiy kurashga qaytish niyati yo‘qligini ta’kidladi.
Eslatib o‘tamiz, Pakning rasman ozod etilishiga Janubiy Koreyada konservativ nomzod Yun Suk Yol g‘alaba qozongan prezidentlik saylovlaridan bir necha kun o‘tib erishildi.
Dekabr oyida Janubiy Koreyaning o‘sha paytdagi prezidenti Mun Chje In Pakning sog‘lig‘i yomonlashgani sabab uni afv etgan. Ayblovlar bo‘yicha unga 22 yillik qamoq jazosi belgilangandi.
Izoh (0)