Bugun,

  • USD 11095.31
  • RUB 173.84
  • EUR 10772.44

Ijtimoiy tarmoqlarda Qashqadaryo viloyatida noma’lum yirtqich hayvon mahalliy aholi tomonidan urib o‘ldirilgani tasvirlangan video tarqaldi. Telegram’dagi “Ekologuz” kanali holat yuzasidan ma’lumot berib, o‘ldirilgan hayvon aslida tulki bo‘lganini ma’lum qildi.

Foto: Telegram / “Ekologuz”

Foto: Telegram / “Ekologuz”

Ma’lum qilinishicha, Qamashi tumani To‘qboy qishlog‘ida “chupakabra” tayoq bilan urib o‘ldirilgani aytilgan videotasvir tuman IIB hamda Ekologiya va atrof muhitni muhofaza qilish boshqarmasi, shuningdek, mahalla faollari ishtirokida o‘rganilgan.

O‘rganish davomida 19-mart kuni Qamashi tumani “Odoqjonbuz” MFY hududidagi qishloq xo‘jaligi yer maydoni sug‘orish arig‘i qirg‘oq qismida bir bosh tulki bolasi jonsiz o‘lik tanasi yotgani aniqlangan.

Holat joyida yurgan fuqaroga videotasvir ko‘rsatilib, voqea haqida so‘ralganda, u tulki bolasi qo‘y-qo‘zilarni hurkitib chiqqan vaqtida itlar tishlab o‘ldirganini bildirgan.

Foto: “Ekolog.uz”

Foto: “Ekolog.uz”

“Tulki bolasi qo‘tir kasalligi bilan yungi to‘kilib ketgani, o‘lik tanasini atrofdagi fuqarolar ‘Chupakabra hayvonni o‘ldirdik’, deb uni videotasvirga olib, ijtimoiy tarmoqqa tarqatishganini ma’lum qilgan”, — deyiladi xabarda.

Bundan oldin Kasbida yashovchi aholi tuman mas’ullari inkor etgan maxluq hamon ularga zarar yetkazayotgani, mas’ullar buni inkor etishdan nariga o‘tmayotgani, Qashqadaryoda aholining qo‘y va echkilarini bo‘g‘izlab ketayotgani aytilgan noma’lum hayvon odamlar tomonidan urib o‘ldirilgani hamda Namanganda noma’lum maxluqning skeleti topilgani haqida xabar berilgandi.

Izoh
Asosiy yangiliklar
Mahalliy
Huquq faoli Nukus voqealarida gumonlanayotganlar qiynoqqa solinmaganini aytmoqda
Dunyo
“Daryo” kundaligida 30-noyabrda sodir bo‘lgan eng muhim voqealar
Mahalliy
Kontrabanda sigaretalar ko‘proq qaysi viloyatlar chegaralaridan olib o‘tilmoqda? Bojxonachi javob berdi