O‘zbekistondan Qozog‘istonga 70 million tengelik (taxminan 1 milliard 600 million so‘m) avtomobillarni noqonuniy olib kirishga chek qo‘yildi, deb xabar bermoqda Qozog‘iston Milliy xavfsizlik qo‘mitasi.
Qayd etilishicha, 19-mart kuni qo‘shni davlatning Turkiston viloyatida O‘zbekistondan kirib kelayotgan avtomashinalarni ko‘zdan kechirish chog‘ida chegara xizmati xodimlari tomonidan 3 ta yuk mashinasi qo‘lga olingan. Mashina yukxonalarida zarur hujjatlari bo‘lmagan 6 ta yengil avtomobil topilgan.
Qonunbuzarlik sodir etgan Qozog‘iston fuqarolari kontrabandaga urinishda ayblanib, qo‘lga olingan. Kechiktirilgan yuk Turkiston viloyatidagi Iqtisodiy tergov departamentiga o‘tkaziladi.
Izoh (0)