Farg‘ona viloyatining O‘zbekiston tumanida sodir bo‘lgan yo‘l-transport hodisasi oqibatida bir kishi halok bo‘ldi. Bu haqda “Zo‘r TV” telekanalining “Bu kun” dasturida ma’lum qilindi.
Aniqlanishicha, Nexia rusumli avtomobil haydovchisi harakat davomida qarama-qarshi yo‘nalishga chiqib, o‘z yo‘nalishida harakatlanib kelayotgan Isuzu avtobusi bilan to‘qnashuv sodir etgan. Isuzu haydovchisiga ko‘ra, yengil mashina o‘zidan oldindan avtobus va boshqa bir yengil mashinani quvib o‘tmoqchi bo‘lgan. To‘qnashuvdan keyin Isuzu haydovchisi rulni o‘ngga burib yuborib, daraxtga urilgan.
Nexia haydovchisi og‘ir tan jarohati bilan shifoxonaga yetkazilgan, biroq ko‘rsatilgan yordamga qaramay, u vafot etgan.
Avvalroq Samarqandda 11 oy avval avtomobil boshqarish huquqidan mahrum bo‘lgan haydovchi qizaloqni urib yuborib, uning o‘limiga sababchi bo‘lgani, Jizzaxda Kia K5 va Nexia to‘qnashuvi oqibatida 8 kishi vafot etgani to‘g‘risida xabar berilgandi.
Izoh (0)