Puerto-Rikoda bo‘lib o‘tgan “Dunyo go‘zali – 2021” xalqaro go‘zallik tanlovida ishtirok etgan polshalik Karolina Belyavska g‘oliblikni qo‘lga kiritdi.
Hammasi bo‘lib turli mamlakatlardan 40 nafar ishtirokchi qiz finalda orzu qilingan tojga da’vogarlik qildi.
Polshalik Karolina Belyavska menejment bo‘yicha bakalavr darajasiga ega model. Hozir u magistratura bosqichida tahsil olmoqda, kelajakda esa aspiranturada o‘qishni rejalashtirmoqda. U motivatsion ma’ruzachi bo‘lishni orzu qiladi. Bo‘sh vaqtlarida “dunyo go‘zali” tennis va badminton, akvalanglik bilan shug‘ullanadi.
“Haligacha ishonmayapman. Hayotimning bu ajoyib bobini umrimning oxirigacha eslayman”, – deya g‘alaba qozonganidan so‘ng o‘z his-tuyg‘ulari bilan o‘rtoqlashdi Karolina.
Izoh (0)