Moliya vazirligi 2021-yil uchun Davlat budjeti daromadlarining ijrosi bo‘yicha dastlabki natijalarni taqdim etdi.
Ma’lum bo‘lishicha, 2021-yilda qo‘shilgan qiymat solig‘i tushumlari (QQS) 52,8 trln so‘mni tashkil qilgan. 2020-yil bilan solishtirganda bu 12,6 trln so‘mga yoki 31,3 foizga ko‘proqdir.
Alohida olib qaralganda, bojxona boji tomonidan undirilgan QQS 38,2 foizga oshgan bo‘lsa, soliq organlari tomonidan undiriladigan QQS esa 24,8 foizga oshgan.
QQS tushumlarining o‘sishiga birinchi navbatda soliq imtiyozlarining bekor qilinishi sabab bo‘lgan. Bundan tashqari soliq bazasining kengaytirilishi va karantin cheklovlarini yumshatilishi ham tushumlarning ko‘payishiga olib kelgan.
Shuningdek, 2020-yilda soliq to‘lovchilarga 9,0 trln so‘m qaytarilgan bo‘lsa, 2021-yilda qoplash summasi 14,4 trln so‘mni tashkil etdi
Avvalroq Davlat soliq qo‘mitasi elektron-savdo va tenderlarda ishtirok etish huquqini belgilovchi tartib ishlab chiqishi haqida xabar berilgan edi.
Izoh (0)