Xalq deputatlari Samarqand viloyati kengashi kotibiyati mudiri lavozimida faoliyat olib borgan Sherali Yo‘ldoshev Nurobod tumani hokim etib tayinlandi. Bu haqda viloyat hokimligi axborot xizmati ma’lum qildi.
Ta’kidlanishicha, Nurobod tumani hokimligida o‘tkazilgan xalq deputatlari tuman kengashining navbatdan tashqari sessiyasida tashkiliy masala ko‘rilgan.
Viloyat hokimi Erkinjon Turdimov ishtirok etgan mazkur sessiyada tuman rahbarligiga Yo‘ldoshev Sherali Mamaraimovich nomzodi ko‘rsatilib, deputatlar tomonidan ma’qullangan.
Eslatib o‘tamiz, Nurobodning sobiq hokimi Faxriddin Zoirov 2022-yilning 10-fevral kuni prezident Shavkat Mirziyoyevning viloyatga tashrifi vaqtida faoliyatidagi jiddiy xato va kamchiliklari sabab ishdan olingandi.
Izoh (0)