Madridning “Real” klubi darvozaboni Tibo Kurtua La Ligada fevral oyining eng yaxshi futbolchisi deb topildi.
Fevral oyida madridliklar to‘rtta o‘yin o‘tkazib, uchtasida g‘alaba qozondi va bittasida durang o‘ynadi. Belgiyalik posbon esa ushbu bellashuvlarda o‘z darvozasidan birorta ham to‘p o‘tkazib yubormadi.
Ma’lumot uchun, Kurtua Ispaniya chempionatining 2021/22-yilgi mavsumida 27 ta o‘yin o‘tkazib, 12 ta bahsda o‘z darvozasi daxlsizligini saqlab qolgan.
“Real” 27-turdan keyin musobaqa jadvalida 63 ochko bilan birinchi o‘rinni band etib turibdi. Jamoa eng yaqin ta’qibchisi 8 ochkoga ortda qoldirmoqda.
Izoh (0)