O‘zbekiston xalq artisti Yulduz Usmonova may oyida ham besh kunlik “Nostalgy” deb nomlangan konsert dasturini taqdim etadi. Ushbu konsert dasturi primadonnaning 80—90-yillarda ijro etgan xit qo‘shiqlaridan iborat bo‘ladi. Yulduz Usmonovaning turmush o‘rtog‘i va prodyuseri Mansur Agaliyev “Daryo”ga bergan intervyusida konsertda kutilayotgan yangiliklari haqida ma’lumot berdi.
“Odamlar bolalik va yoshlik davrlari bilan bog‘liq xotiralarni yodga olib, eshitadigan qo‘shiqlari bor. Shuning uchun nostlji yo‘nalishida ham konsert qilish g‘oyasi tug‘ildi. Konsertda agar ulgura olsak, maxsus dastur orqali marhum san’atkorlarni sahnada “jonlantiramiz”. Masalan, Yulduz Obid Asomov bilan ‘La’lixon’ degan duetni yonma-yon turib kuylaydi yoki Ruslan Sharipov rahmatli bilan aytgan duetini sahnalashtiramiz. Uning ishi katta ekan. Shunday niyatimiz bor, agar ulgursak, Xudo xohlasa bo‘ladi”, — deydi Yulduz Usmonovaning turmush o‘rtog‘i va prodyuseri Mansur Agaliyev.
Izoh (0)