Shavkat Mirziyoyev ishtirokidagi 8-mart—Xalqaro xotin-qizlar kuni munosabati bilan o‘tkazilgan tantanali tadbir – suratlarda

Dushanba kuni Toshkent shahridagi Kongress-hollda 8-mart—Xalqaro xotin-qizlar kuni munosabati bilan bayram tadbiri o‘tkazildi. O‘zbekiston prezidenti Shavkat Mirziyoyev mazkur tadbirda ishtirok etib, nutq so‘zladi. Davlat rahbari barcha xotin-qizlarni bayram bilan qutladi.

Shuningdek, prezidentning tegishli farmoni va qarori bilan bir guruh xotin-qizlar yuksak unvon, orden va medallar bilan mukofotlanib, yigirma sakkiz nafar faol qiz Zulfiya nomidagi davlat mukofoti bilan taqdirlangan edi. Davlat rahbari ushbu mukofotlarni tantanali ravishda egalariga topshirdi.

Bayram tadbirida mamlakatning sog‘liqni saqlash, fan-ta’lim, madaniyat, sport, ijtimoiy, iqtisodiy va boshqa bir qator sohalari, davlat boshqaruv organlari, hukumat tizimida faoliyat yuritayotgan ayollar va qizlar, shuningdek, xorijiy mehmonlar ishtirok etdi.

“Daryo” fotomuxbiri mazkur marosimda ishtirok etgan mehmonlar, tadbirning e’tiborga molik lahzalarini kadrlarga muhrladi.