2022-yilning 7-mart soat 18:00 holatiga ko‘ra O‘zbekistonda doimiy yashovchi ayollar soni 17 587 908 nafarga yetdi. Bu haqda Davlat statistika qo‘mitasi xabar berdi.
Ma’lum qilinishicha, ayollar mamlakat doimiy aholisining 49,7 foizni tashkil etmoqda.
Davlat statistika qo‘mitasi ma’lumotlariga ko‘ra, 1991-yilda respublikada doimiy yashovchi aholining 50,6 foizini ayollar tashkil etgan.
Eslatib o‘tamiz, O‘zbekistonda 2022-yil 1-yanvar holatiga ko‘ra, doimiy aholi soni 35 271,3 ming kishini tashkil etib, 2021-yil 1-yanvarga nisbatan 712,4 ming kishiga yoki 2,1 foizga ko‘paygan. 2021-yilda O‘zbekiston bo‘yicha 305 082 ta nikoh, 39 227 ta nikohdan ajralish holatlari qayd etilgan.
Izoh (0)