Toshkent shahrida 50 ming so‘m evaziga uyida fohishaxona tashkil qilgan erkakka nisbatan hukm o‘qildi. Bu haqda “Mening yurtim” telekanalining “Markaziy studiya” ko‘rsatuvida ma’lum qilindi.
Ma’lum qilinishicha, ustachilik bilan shug‘ullanuvchi ushbu fuqaro 2021-yilning 8-dekabr kuni 28 yoshli erkak va 35 yoshli ayolga o‘z uyining mehmonxonasidan joy bergan. Buning evaziga ulardan 50 ming so‘m olgan.
Aniqlanishicha, 50 yoshli erkak muqaddam ayni shu turdagi jinoyatni sodir etgani uchun sudlangan va unga nisbatan 1 yilga ozodlikdan cheklash jazosi tayinlangan bo‘lgan.
Sud hukmiga ko‘ra, uch farzandning otasi bo‘lgan sudlanuvchi 5 yilga ozodlikdan mahrum etilgan.
Avvalroq Buxoroda 50 ming so‘m evaziga uyida fohishaxona tashkil qilgan 62 yoshli ayol qilmishi fosh etilgani, Navoiyda 16 yoshli qizni jinsiy qullikda saqlagan ayol qo‘lga olingani to‘g‘risida xabar berilgandi.
Izoh (0)