7-mart kuni xalq deputatlari Mo‘ynoq tumani kengashining 41-sessiyasi bo‘lib o‘tdi. Qoraqalpog‘iston Jo‘qorg‘i Kengesi raisi Murat Kamalov qatnashgan sessiyada Baxtiyar Menglibekov Mo‘ynoq tumaniga hokimi etib tayinlandi. Bu haqda Qoraqalpog‘iston Respublikasi Jo‘qorg‘i Kengesi matbuot xizmati xabar berdi.
Baxtiyar Menglibekov shu kunga qadar Mo‘ynoq tumani “Madeli” mahalla fuqarolar yig‘ini mahallada tadbirkorlikni rivojlantirish, aholi bandligini ta’minlash va kambag‘allikni qisqartish masalalari bo‘yicha hokim yordamchisi lavozimida faoliyat yuritgan.
Shuningdek, Kamal Allaniyazov Qoraqalpog‘iston Bo‘zatov tumani hokimi etib tayinlangan.
Kamal Allaniyazov shu kunga qadar “Erkindaryo chorva” chorvachilik va dehqonchilikka ixtisoslashtirilgan mas’uliyati cheklangan jamiyati rahbari lavozimida faoliyat yuritgan.
Bo‘zatov tumanida 2019-yildan beri hokimlik qilib kelgan Mahmud Qaypanov boshqa ishga o‘tgani aytilmoqda.
Avvalroq Amanbay Orinbayev Qoraqalpog‘iston Ichki ishlar vazirligiga rahbar etib tayinlangani to‘g‘risida xabar berilgandi.
Izoh (0)