Gonsalo Iguain: “Futbol juda iflos soha, o‘yinchilar esa bir martalik idish kabi”

AQShning “Inter Mayami” klubi hujumchisi Gonsalo Iguain futbolchilarning hayoti haqida gapirdi.

Futbolchi qanday bo‘lishi haqida odamlar tasavvur ham qila olmaydi. Ular shunchaki futbol o‘ynash kerak deb hisoblaydi, lekin bizda ham xuddi siz kabi ota-ona bor. Biz ham siz kabi azob-uqubatlarni boshdan kechiramiz.

Faoliyatimni yakunlaganimdan so‘ng futboldan uzoq bo‘laman. Juda uzoq. Hozir o‘yindan rohatlanishim mumkin, lekin keyinchalik yaqin kelishni ham xohlamayman. Bu juda iflos soha. Qandaydir og‘riq yoki umidsizlik emas, ammo bu men bo‘lishni xohlagan dunyo emasligini his qilyapman.

Futbolchi — bir marta ishlatiladigan shisha idish kabidir. U bo‘shatiladi va keyin esa tashqariga uloqtirib yuboriladi. O‘yinchi endi yo‘q, endi u yodga ham olinmaydi.

O‘ynashni boshlaganingda: “Hammasi ajoyib”, deysan. Soha ichiga kirib borishing bilan yovuzlik, hasadni tuyasan… Hayotimda allaqachon muhim rol o‘ynaydigan insonlarim bor: rafiqam va qizim. Nega yana o‘zimni o‘sha qobiqqa tiqishim kerak? Yo‘q, bu ishni hech qachon qilmayman.

Kutganimdan ko‘ra ko‘proq narsalar ko‘rdim, albatta, futbol menga bergan narsalardan minnatdorman, garchi bu uchun g‘azab, doimiy muhokamalar bilan to‘lov qilgan bo‘lsam ham.

Bolaligingda esa bu narsalarni tasavvur ham qila olmaysan.

Gonsalo Iguain, “Inter Mayami” futbolchisi