Rubl xalqaro savdolarda o‘z qiymatining 41 foizdan ko‘prog‘ini yo‘qotib, dollar va yevroga nisbatan tarixiy minimal darajaga tushib ketdi. Bu haqda Xalqaro birjalardan ma’lum bo‘ldi.
Dushanba kuni, 28-fevral ertalab dollar kursi 117 rubldan, yevro kursi 132 rubldan oshdi. Ayirboshlash punktlarida 1 dollar 130 rubldan sotilmoqda.
Mamlakatning Ukrainaga bostirib kirishi ortidan Rossiya aktivlari keskin tushib ketdi.
Dushanba kuni qimmatli qog‘ozlar narxlari ham pasaydi. Strateglar sanksiyalar kuchga kirgach, mintaqa banklariga yangi bosim bo‘lishini aytmoqda.
Rossiya Markaziy banki, agar sanksiyalar muvaffaqiyatli bo‘lsa, rublni himoya qila olmasligi ta’kidlanmoqda.
Avvalroq rublning so‘mga nisbatan qiymati so‘nggi ikki yil ichida eng past darajaga tushib ketgani xabar berilgan edi.
Izoh (0)