Futbol bo‘yicha Ispaniya La Ligasining 26-turidan o‘rin olgan o‘yinlar 26-fevral, shanba kuni bo‘lib o‘tdi.
“Real” Madrid derbisida “Rayo Valyekano”ga qarshi maydonga tushdi. O‘yinning katta qismida darvozalar ishg‘ol etilmadi. Faqatgina 83-daqiqaga kelib, Karim Benzema tomonidan urilgan gol “qirollik klubi”ga g‘alaba keltirdi.
“Real” ushbu g‘alabadan so‘ng ochkolari sonini 60 taga yetkazdi, jamoa musobaqa jadvalida birinchi o‘rinda bormoqda. Jamoa bitta kam o‘yin o‘tkazgan ikkinchi o‘rindagi “Sevilya”dan 9 ochkoga ilgarilab ketgan.
“Rayo Valyekano” esa 31 ochko bilan 12-o‘rindan joy olgan.
La Liga
26-tur bahslari
26-fevral, shanba
“Rayo Valyekano” — “Real” 0:1
Gol: 0:1 – 83 Benzema.“Rayo Valyekano”: Zidan, Baliu, Suares, Katena, Fran Garsiya, Garsiya (Silla, 85), Komesanya, Oskar Valentin (Siss, 65), Trexo (Nteka, 85), Bebe (Palason, 73), Gvardiola (Falkao, 73).
“Real Madrid”: Kurtua, Karvaxal, Nacho, Militao, Mendi, Modrich (Sebalyos, 88), Kroos, Kazemiro (Valverde, 61), Benzema, Asensio (Rodrigo, 80), Vinisius Junior (Kamavinga, 88).
Ogohlantirishlar: Oskar Valentin (42), Trexo (56), Kazemiro (58), Mendi (63), Baliu (65), Bebe (72), Katena (79), Sebalyos (90+6).
Izoh (0)