Yevropa Ligasi 1/8 finalida qatnashadigan barcha jamoa nomi ma’lum bo‘ldi

Yevropa Ligasida 1/8 finalga o‘tish o‘yinlari yakunlandi va nimchorak finalga yo‘l olgan barcha jamoalar nomi ma’lum bo‘ldi.

Musobaqaning 1/8 finaliga 25-fevral kuni qur’a tashlanadi. Qur’a tashlash marosimi Toshkent vaqti bilan 16:00 da boshlanishi rejalashtirilgan.

Yevropa Ligasi guruh bosqichida birinchi o‘rinni olgan jamoalar birinchi savatchadan joy olgan bo‘lsa, o‘tish o‘yinlari g‘oliblari ikkinchi savatchaga joylashtirilgan.

• Birinchi savatcha: “Spartak” (Rossiya), “Ayntraxt”, “Bayer” (ikkisi Germaniya), “Vest Hem” (Angliya), “Galatasaroy” (Turkiya), “Lion”, “Monako” (ikkisi Fransiya), “Srvena Zvezda” (Serbiya).
• Ikkinchi savatcha: “Atalanta” (Italiya), “Barselona”, “Sevilya”, “Betis” (barchasi Ispaniya), “Braga”, “Portu” (ikkisi Portugaliya), “Leypsig” (Germaniya), “Reynjers” (Shotlandiya).