Fevral oyida O‘zbekiston Prezidenti Shavkat Mirziyoyev avtomobilsozlikni rivojlantirish bo‘yicha videoselektor yig‘ilishini o‘tkazdi. Unda mas’ullarga avtomashina uchun dastlabki to‘lovni 85 foizdan 50 foizga tushirish, xaridorlarga avtomashina yetkazib berishning aniq sanasini aytish kabi topshiriqlar berildi. “Daryo” UzAuto Motors kompaniyasining 2021-yildagi ishlari, 2022-yil uchun rejalari xususida so‘z yuritadi.
Xo‘sh, 2021-yil yakuni bo‘yicha qanday natijalarga erishildi?
Jahonda yuz berayotgan pandemiya bilan bog‘liq vaziyatning logistika jarayonlariga salbiy ta’siri, mikrochiplar yetishmovchiligi ishlab chiqarish hajmlarining tushib ketishiga sabab bo‘lmoqda.
2021-yil yakunlari bo‘yicha UzAuto Motors korxonasida 239 ming dona avtomobil ishlab chiqarildi va bu 14 foizga kam.
Ichki bozorda yengil avtomobillar uchun ehtiyot qismlar savdosi raqamlashtirish natijasida savdo hajmi 2020-yilga nisbatan 1,5 barobarga oshdi. 2021-yilda tarmoqda 1634 ta yangi ish o‘rni yaratilib, o‘tgan yilga nisbatan o‘sish sur’ati 122 foizni tashkil etdi.
2022-yilda 275 ming dona yengil avtomobillar ishlab chiqarilishi rejalashtirilgan. Shuningdek, 600 turdagi butlovchi qismlar mahalliylashtirildi.
Reklama huquqi asosida.
Izoh (0)