Samarqand viloyati Payariq tuman jinoyat ishlari bo‘yicha sudi binosida jazoni o‘tash vaqtida IIB Probatsiya noziriga pora berishga uringan mahkumning to‘rtinchi jinoyat ishi ko‘rib chiqildi. Bu haqda Zo‘r TV telekanali orqali efirga uzatilgan lavhada ma’lum qilindi.
Sudlanuvchining so‘zlariga ko‘ra, u giyohvand bo‘lib, O‘zbekistonda koronavirus pandemiyasi boshlangach, omon qolish maqsadida giyohand modda iste’mol qilganida qo‘lga tushgan va sudlangan. “Probatsiyadagi pul olib kel degandi, tadbir qilib, ushladi”, — deydi u.
Yig‘ilgan hujjatlar bo‘yicha ko‘rib chiqilgan sud ishi davomida mahkum B.Q. Jinoyat kodeksining 211-modda (pora berish) 1-qismida nazarda tutilgan jinoyatni sodir etganlikda aybli deb topilgan. Unga shu modda bilan 3 yil-u 6 oy muddatga ozodlikdan mahrum qilish jazosi tayinlangan. Jinoyat ishlari bo‘yicha Payariq tuman sudining 2020-yil oktabrdagi hukmiga asosan tayinlangan “ozodlikni cheklash” jazosining o‘talmay qolgan qismini qisman qo‘shish yo‘li bilan uzil-kesil 4 yil 6 oy muddatga ozodlikdan mahrum etish jazosi belgilangan.
Avvalroq Termizda YPX inspektoriga 7 mln so‘m pora berishga uringan haydovchiga jinoyat ishi qo‘zg‘atilgani, Toshkent viloyatida mashinani jarima maydonidan chiqarib berish evaziga YPX inspektoriga 300 dollar pora taklif qilgan haydovchi ushlangani to‘g‘risida xabar berilgandi.
Izoh (0)