Namangan viloyati Chortoq tumanida kelinoyisiga tegishli hujjat va moddiy boyliklarni o‘g‘irlab ketgan erkak qo‘lga olindi. Bu haqda viloyat Ichki ishlar boshqarmasi xabar qildi.
Qayd etilishicha, 14-fevral kuni Chortoq tumanida yashovchi ayol (1988-yilda tug‘ilgan) IIBga ariza bilan murojaat qilgan. Unda ayol shu kuni soat 19:00 larda qo‘shni bo‘lib yashovchi opasining yashash xonadoni yotoqxonasida bo‘lgan temir seyf va ichida bo‘lgan 16 million so‘mlik tilla taqinchoqlari hamda opasining uy hujjatlari, fuqarolik pasporti va 700 ming so‘m pullarini noma’lum shaxs o‘g‘irlab ketganini ma’lum qilgan. U qonunbuzarga chora ko‘rishni so‘ragan.
Olib borilgan tezkor-qidiruv va surishtiruv harakatlari natijasida jinoyatni ayolning qaynukasi (1984-yilda tug‘ilgan) sodir etgani aniqlangan. U daliliy ashyolar bilan qo‘lga olingan.
Holat yuzasidan Jinoyat kodeksining 169-moddasi 2-qismi (ancha miqdorda o‘g‘rilik) bilan jinoyat ishi qo‘zg‘atilgan.
Izoh (0)