Shavkat Mirziyoyevning “2022-yilda rasmiy sanalarni nishonlash davrida qo‘shimcha ishlanmaydigan kunlarni belgilash va dam olish kunlarini ko‘chirish to‘g‘risida”gi farmoniga ko‘ra, mart oyida haftasiga besh kun ishlaydigan xodimlar uchun besh kun ketma-ket dam olish kunlari bo‘ladi.
Farmonda barcha xodimlar uchun 22-mart, seshanba va 23-mart, chorshanba kunlari dam olish kuni etib belgilangan.
Haftasiga besh kun ishlaydigan xodimlar uchun:
- 19-mart, shanba — dam olish kuni;
- 20-mart, yakshanba — dam olish kuni;
- 21-mart, dushanba — Navro‘z bayrami, dam olish kuni;
- 22-mart, seshanba — qo‘shimcha ishlanmaydigan kun;
- 23-mart, chorshanba — qo‘shimcha ishlanmaydigan kun bo‘ladi.
Avvalroq Shavkat Mirziyoyev 2022-yilgi Navro‘z bayramiga tayyorgarlik ko‘rish va uni nishonlash to‘g‘risidagi qarorni imzolagandi. Unga ko‘ra, umumxalq bayrami mamlakatda “Assalom, Navro‘z – yangilanish, mehr-oqibat va qadr-qimmat ayyomi!” degan bosh g‘oya asosida umumxalq sayllari shaklida keng nishonlanadi.
Eslatib o‘tamiz, o‘zbekistonliklar 2021-yilgi Navro‘z bayramida ketma-ket 3 kun dam olgan. Mustaqillik bayrami va Yangi yil munosabati bilan 5 kundan dam olgandi.
Izoh (0)