Tovuq go‘shtidan tayyorlanadigan noodatiy taomlar retsepti

Kechki ovqatga qanday taom tayyorlash kerakligi haqida gap ketganda xayolga birinchi bo‘lib nima kelishi mumkin? To‘g‘ri, tovuq! Ammo tovuq go‘shtining ta’mini butunlay boshqacha tarzda ochib beradigan ushbu retseptlar tanlovini taklif qilamiz.

Tovuq va ko‘katli savatchalar

Kerakli mahsulotlar:

• tayyor xamir – 900 gramm;
• file – 700 gramm;
• un – 3 osh qoshiq;
• yog‘ – 2 osh qoshiq;
• sariyog‘ – 75 gramm;
• piyoz – 1 dona;
• sarimsoq – 4 chinnigullar
• qo‘ziqorin – 225 gramm
• qaymoq – 450 mililitr
• rayhon, ko‘kat, tuz va ziravorlar.

1. Tovuq filesi to‘rtburchak shaklda kesib olinadi. Piyoz mayda to‘g‘raladi. Sarimsoq va rayhon maydalanadi. Qo‘ziqorinlarni qaynatib olinadi.
2. Pech 200 darajaga oldindan qizdiriladi. Xamirni 3 millimetr qalinlikda yoyib, 6 qismga bo‘linib, qoliplarga solinadi. Xamir sanchqi bilan teshiladi. Savatchalar usti qog‘oz bilan yopiladi va 15 daqiqa davomida pechga qo‘yiladi.
3. Tovuq dastlab unga botirib, yog‘da qovurib olinadi. So‘ngra tuz va ziravorlar, qaymoq qo‘shib dimlanadi. Yumshoq bo‘lguncha pishiriladi.
4. Qolgan sariyog‘ eritilib, qo‘ziqorinlar qovuriladi. Tovuqni rayhоn va qo‘ziqorin bilan aralashtirib, pishirilgan savatlarga solinadi va yana 10 daqiqa davomida pechga qo‘yiladi.

Guruchli lapsha va tovuqli issiq salat

Kerakli mahsulotlar:

• tovuq filesi – 4 dona;
• teriyaki sousi – 3 osh qoshiq;
• asal 1 – osh qoshiq;
• zanjabil ildizi (2,5 sm) – 1 dona;
• sarimsoq – 2 bo‘lak;
• guruchli lapsha – 400 gramm;
• yashil no'xat – 150 gramm;
• loviya – 100 gramm;
• chili sousi – 4 osh qoshi;q
• soya sousi – 1 osh qoshiq;
• chili qalampiri – 1 dona;
• laym (sharbati va qobig‘i) – 1 dona;
• yalpiz – 1 osh qoshiq.

1. Chili qalampiridan uruglar olib tashlanadi va maydalanadi
2. Tovuq filesi plyonkaga o‘raladi va bolg‘acha bilan yaxshilab uriladi.
3. Marinad uchun barcha mashulotlar aralashtirilib, tovuq ustidan quyiladi va 30 daqiqa yoki bir kechaga qoldiriladi
4. Pech panjarasi folga bilan yopiladi, filelar qo‘yiladi va har ikki tomoni 6-7 daqiqa qovuriladi.
5. Salat uchun lapsha ko‘rsatmaga muvofiq tayyorlanadi. No‘xat va loviya qaynatib olinadi va lapsha bilan birlashtiriladi. Qolgan mahsulotlar ham qo‘shilib, aralashtiriladi. Tovuq filelari esa taom ustiga suziladi.

Tovuq, nok v ko‘k piyozli salat 

Kerakli mahsulotlar:

• tovuq – 1,8 kilogramm;
• nok – 3 dona;
• limon – 2 dona;
• piyoz – 1 dona;
• ko‘k piyoz – 1 dona;
• zaytun moyi – 2,5 osh qoshiq;
• tuz va ziravorlar.

1. Pech 230 darajaga oldindan qizdiriladi. Tovuq 8 bo‘lakka bo‘linadi, terisi va qanotlari olib tashlanadi.
2. Nok urug‘lari olib tashlanadi va 4 ta bo‘lakka bo‘linadi. Piyoz va ko‘k piyoz to‘g‘raladi. Bitta limonning sharbati siqib olinadi, ikkinchisi bo‘laklarga bo‘linadi.
3. Bir piyola ichiga ziravor, zaytun moyi, tuz va qalampirni va piyozning yarmi solinadi. Tovuq va nok bo‘laklari qo‘shilib, yaxshilab aralashtiriladi.
4. Pechdagi pishirish varag‘ida 30-35 daqiqa davomida tovuq va nokni pishirib olinadi.
5. Nok bilan pishirilgan tovuqqa limon sharbati bilan va ko‘k piyoz sepiladi. Limon bo‘laklari bilan bezatiladi.