Filippinning Tarlak-Siti shahrida Bam laqabli it homilador ayolni zaharli ilon hujumidan qutqarib qoldi, deb xabar bermoqda Newsflare nashri.
Videodan ko‘rish mumkinki, ilonni sezgan jonvor shu zahotiyoq irrillab, odamlarni xavfdan ogohlantirgan. Bunga e’tibor bergan ayollar bir chaqishda odamni o‘ldirishi mumkin bo‘lgan kobrani ko‘riboq, xavfsiz joyga yugurishgan. It esa ilonni shu zahoti g‘ajib tashlagan.
Do‘kon egasi Laura Bulanadining aytishicha, videodagi homilador ayol ilon paydo bo‘lganida internet kafega kirish uchun navbatda turgan. “Itimiz juda mas’uliyatli va bizni doim himoya qiladi, sholizor yaqinida yashaganimiz uchun bu yerda ilonlar juda ko‘p”, — deydi Laura.
Avvalroq Avstraliyada xo‘jayinini himoya qilish maqsadida uning oldiga suzib kelayotga akulaga kuchuk tashlangan edi.
Izoh (0)