Toshkentdagi Mehribonlik uyida tarbiyachi bolani urib, tan jarohati yetkazgani haqida xabar berilgandi. Toshkent shahar Xalq ta’limi bosh boshqarmasining ma’lum qilishicha, holat o‘rganilib tarbiyachi bilan tuzilgan mehnat shartnomasi bekor qilingan.
Ta’kidlanishicha, mazkur holat yuzasidan bosh boshqarma tomonidan tuzilgan ishchi guruh o‘rganish olib borgan. O‘rganish xulosasiga ko‘ra, xabarda e’lon qilingan holat o‘z isbotini topgan.
Haqiqatan, tarbiyachi B.A. 21-sonli Mehribonlik uyi tarbiyalanuvchisi M.A.ga nisbatan qo‘pol muomalada bo‘lgan va jismoniy kuch ishlatgan. Tarbiyachi B.A. bilan o‘rnatilgan tartibda mehnat shartnomasi bekor qilinib, o‘z vazifasidan ozod qilingan. Hozirda huquq-tartibot idoralari tomonidan holat yuzasidan surishtiruv ishlari amalga oshirilmoqda.
Holat yuzasidan ta’lim muassasa ma’muriyati hamda tarbiyachi-xodimlari bilan suhbat o‘tkazilib, bunday noxush vaziyatlarning oldini olish bo‘yicha zarur ko‘rsatma va tavsiyalar berilgan.
Izoh (0)