Pekin—2022 qishki Olimpiadasining 9-kunida tog‘ chang‘isi bo‘yicha gigant slalom musobaqasi start oldi.
Unda Olimpiadada O‘zbekiston nomidan qatnashayotgan yagona sportchi — Komiljon To‘xtayev ishtirok etdi. To‘xtayev dastlabki urinishdan keyin 54 sportchi orasida 35-o‘rinni egallab turibdi va yetakchiga 9,84 soniya yutqazmoqda.
Qayd etish kerak, gigant slalom bahslarida 89 ishtirokchi qatnashishi ko‘zda tutilgandi. Ularning ikki nafari start olmadi, 33 sportchi esa marraga yetib kelolmagan.
Toshkent vaqti bilan 10:30 da sportchilar ikkinchi urinishni amalga oshiradi.
Izoh (0)