Favqulodda vaziyatlar vazirligi Chimyonda qor ko‘chish xavfini e’lon qildi.
Ma’lum qilinishicha, 12-fevral soat 08:00 dan 13-fevral soat 08:00 gacha Chimyon tog‘ zonasida qor ko‘chish xavfi bor.
“Hurmatli fuqarolar, ehtiyotkorlik choralarini ko‘rishingizni va Diqqat! Qor ko‘chishi xavfi mavjud belgisi bilan cheklangan joylarga kirmaslikni so‘raymiz”, — deya ogohlantiradi vazirlik.
“O‘zgidromet” 13–15-fevral kunlari O‘zbekiston hududiga G‘arbiy Qozog‘iston orqali janubiy Ural hududlaridan nam va salqin havo massasi kirib kelishi kutilayotganini ma’lum qilgandi. 12-fevral kuni respublika bo‘yicha ba’zi joylarda yog‘ingarchilik (yomg‘ir, qor) kuzatiladi, faqat shimoliy hududlarda yog‘ingarchilik kutilmaydi. Harorat kechasi va kunduzi 2-7 daraja iliqni tashkil etadi.
Izoh (0)