Qashqadaryo viloyati Qarshi shahrida fuqarolarning xorijdagi o‘qishini O‘zbekistonga ko‘chirib berish evaziga pul talab qilgan shaxs ushlandi. Bu haqda Tergov departamenti xabar qildi.
Qayd etilishicha, 30-sentabr kuni Sh.N. ismli fuqaro (37 yoshli) Qarshi shahri “Malaka oshirish” binosi yonida fuqaro J.M. (37 yoshli)ga uning qo‘shni davlatdagi oliy o‘quv yurtida o‘qiyotgan ukasi hamda jiyanining o‘qishini Qarshi davlat universitetiga tanishlari orqali o‘tkazib berishni va’da qilgan. Ularning har biri uchun 3000 dollardan, jami 6000 dollar pullarni aldov yo‘li bilan qo‘lga kiritib, shu kunga qadar bergan va’dasini bajarmasdan, pullarni ham qaytarib bermay kelgan.
Holat yuzasidan muqaddam sudlangan Sh.N.ga nisbatan Jinoyat kodeksining 168-moddasi 4-qismi “a” bandi (juda ko‘p miqdorda firibgarlik) bilan jinoyat ishi qo‘zg‘atilgan. U gumon qilinuvchi tariqasida jalb qilingan.
Hozirda tergov davom etmoqda.
Mavzuga doir:
- Farg‘onada fuqaroning Tojikistondagi o‘qishini 1,2 ming dollar evaziga ko‘chirib berishni va’da qilgan shaxs ushlandi
- Samarqandda texnikumga o‘qishga kiritib qo‘yish evaziga 700 dollar pora olgan o‘qituvchi ushlandi
- Farg‘onada fuqaroni 1200 dollar evaziga IIV litseyiga kiritib qo‘ymoqchi bo‘lgan shaxs ushlandi
Izoh (0)