Mazasi og‘izda qoladigan murabboli pirog retsepti

Pirog uchun odatiy mahsulotlar kerak bo‘ladi, faqatgina tayyorlash usuli boshqalaridan farq qiladi.

Kerakli mahsulotlar:

• un – 400 gramm;
• vanil shakari– 1 osh oshiq;
• qabartma – 1 choy qoshiq;
• sariyog‘ – 200 gramm;
• tuxum – 3 dona;
• murabbo – 300 gramm;
• tuz.

1. Un elakdan o‘tkazilib, shakar, vanil, qabartma hamda tuz bilan aralashtiriladi. Sariyog‘ qirg‘ichdan o‘tkaziladi.
2. So‘ngra quruq mahsulotlar yaxshilab aralashtiriladi. Ustidan ikkita tuxum qo‘shib, yumshoq xamir qoriladi.
3. Xamir 20-30 daqiqaga muzlatkichga qo‘yiladi.
4. Pech 180 darajada qizdiriladi. Xamirning 2/3 qismi ajratib olinadi va dumaloq shaklda yoyiladi.
5. Xamir dumaloq qolipga solingach, ortib qolgan chetki qismlari kesib olinadi.
6. Qolgan xamir yupqa yoyiladi va 2-3 santimetr kenglikda tasmalar kesib olinadi.
7. Dumaloq xamir yuzasiga quyuq murabbo solinadi. Xamirli tasmalar esa panjara shaklida murabbo ustidan teriladi.
8. Qolgan tuxum ko‘pirtirilib, pirog ustiga surtib chiqiladi.
9. Pirog 30-35 daqiqa davomida yuzasi qizarib chiqquncha pishiriladi.
10. Ta’bga ko‘ra, pirog yuzasiga shakar upasi sepish mumkin.