Buyuk Britaniya hukumatini 2016—2019-yillarda boshqargan Tereza Mey NATOning yangi bosh kotibi lavozimiga nomzodlar qatoriga kiritildi. Bu haqda alyansdagi manbalariga tayanib, DPA agentligi xabar berdi.
Meydan tashqari NATO rahbarligida Niderlandiya bosh vaziri Mark Ryutte, Estoniya bosh vaziri Kaya Kallas, Ruminiya prezidenti Kalus Yoxxanis, shuningdek, Yevropa Ittifoqining xorijiy ishlar va xavfsizlik siyosati bo‘yicha sobiq oliy vakili Federika Mogerini nomzodlik qiladi.
Taxminlarga ko‘ra, NATOning yangi bosh kotibi 2022-yilning iyunidagi sammitida saylanadi. Uning nomzodini alyansga a’zo 30 mamlakatning barchasi ma’qullashi kerak.
Norvegiya sobiq bosh vaziri Yens Stoltenberg NATOga 2014-yildan buyon rahbarlik qilib kelmoqda. U 1990-yillarda avval Norvegiyaning savdo va energetika vaziri, so‘ngra moliya vaziri bo‘lib ishlagan. Ikki marta mamlakat hukumatini boshqargan. 4-fevral kuni u Norvegiya Markaziy banki rahbari etib tayinlangani ma’lum bo‘ldi. Stoltenberg yangi lavozimdagi faoliyatini 2022-yil sentabrdan boshlaydi.
Avvalroq Xorvatiya va Litvaning sobiq prezidentlari Kolinda Grabar-Kitarovich va Dalya Gribauskayte hamda Estoniyaning amaldagi prezidenti Kersti Kalyulayd NATO bosh kotibi lavozimiga nomzodlik qilishi mumkinligi aytilgandi.
Izoh (0)