Beeline operatoriga egalik qiluvchi Veon o‘zining bosh holding kompaniyasini Bermudadan Buyuk Britaniyaga ko‘chirishni rejalashtirmoqda, deb xabar qiladi holding matbuot xizmati.
Veon Buyuk Britaniyada bosh kompaniyaga aylanadigan yangi mas’uliyati cheklangan jamiyatni tashkil etish niyatida.
Ro‘yxatga olishning Bermuddan Buyuk Britaniyaga o‘tkazilishi kompaniyani yuqori korporativ boshqaruv standartlari, kuchli va shaffof qonunchilik bazasiga ega yurisdiksiyaga joylashtiradi, deyiladi press-relizda.
Beeline’ning ahvoli 2021-yilda yaxshilandi
2021-yilning uchinchi choragi yakunlariga ko‘ra, Beeline mijozlar bazasi 6,8 million kishini tashkil etdi.
Korxonaning iyul–sentabr oylaridagi tushumi 543 milliard so‘mni tashkil etib, 2020 yilning uchinchi choragiga nisbatan 10,4 foizga ko‘p bo‘ldi. Xususan, ma’lumotlar uzatishdan olingan daromadlar o‘sib, 23,8 foizni tashkil etdi.
Internet foydalanuvchilari 2020-yilga nisbatan 13,2 foizga oshgan edi — 5,3 million kishi.
Oldingi yillarda mijozlarning qisqarishi millionlab kishilarga yetdi. Kompaniya buni o‘zining eng qimmatli mijozlariga qaratilgan strategik e’tibori bilan izohladi.
Izoh (0)