O‘zbekistonning aksariyat hududlarida elektr energiyasi uzilishi operatsiya jarayonlariga ta’sir qilmaydi. Bu haqda Sog‘liqni saqlash vazirligi matbuot kotibi Furqat Sanayev “Daryo”ga ma’lum qildi.
Uning aytishicha, “svet” o‘chishidan xavotirlanishga o‘rin yo‘q.
“Barcha operatsion bloklar zamonaviy jihozlangan va qo‘shimcha ta’minot generatorlariga ulangan. Favqulodda ‘svet’ o‘chsa, zudlik bilan ikkinchi liniyaga ulanadi. Vazirlik jarayonni nazoratga olgan va har bir hudud bo‘yicha choralar ko‘rilyapti”, — deydi matbuot kotibi.
“Kasalxonada svet o‘chishi bilan generator ulandi. Operatsiya jarayonlari davom etmoqda. Bizda operatsion blok va reanimatsiya bo‘limlariga generator ulangan. Shu sababli hozircha tokdan muammo bo‘lgani yo‘q”, — deya ta’kidlagan shifokor.
O‘rganishlarga ko‘ra, yez tibbiy yordam xizmati bilan ulanib bo‘lmayapti.
Elektr energiyasidagi uzilishlar sabab Toshkent metropoliteni to‘xtagan, respublikadagi barcha poyezdlar o‘z manzillariga kechikib yetib borishi aytilmoqda.
Energetika vazirligining ma’lum qilishicha, Qozog‘iston Elektr tarmog‘ida katta avariya bo‘lishi oqibatida Olmaota, Chimkent, Taras, Turkiston (viloyatlarida) va atrof hududlarida Elektr energiya ta’minotida o‘chishlar yuzaga kelgan. Toshkent shahar IIBB esa tibandliklarning oldini olish maqsadida ko‘chaga zarurat bo‘lmasa, shaxsiy mashinada chiqmaslikni tavsiya qilmoqda.
Izoh (0)