Toshkent viloyatidagi Chorvoq, Xojikent va Tovoqsoy gidroelektr stansiyalari, Navoiy viloyatidagi Navoiy issiqlik elektr stansiyasi, Qoraqalpog‘iston Respublikasidagi Taxiatosh issiqlik elektr stansiyasi hamda Farg‘ona viloyatidagi Farg‘ona issiqlik elektr markazi orqali energetika tizimiga quvvat uzatish boshlandi. Bu haqda Energetika vazirligi xabar berdi.
Ma’lum qilinishicha, respublikaning ayrim hududlarida elektr ta’minoti tiklanmoqda. Vazirlik matbuot xizmati holat yuzasidan qo‘shimcha ma’lumot berib borilishini bildirgan.
Favqulodda vaziyatlar vazirligi elektr tarmoqlarida yuzaga kelgan uzulishlar sababli gaz va elektr bilan bog‘liq ko‘ngilsiz vaziyatlarni oldini olish maqsadida, gaz hamda elektr moslamalarini nazorat qilish va tarmoqdan vaqtincha uzib qo‘yishni so‘ramoqda.
Elektr energiyasidagi uzilishlar sabab Toshkent metropoliteni to‘xtagan, respublikadagi barcha poyezdlar o‘z manzillariga kechikib yetib borishi aytilmoqda. Energetika vazirligining ma’lum qilishicha, Qozog‘iston Elektr tarmog‘ida katta avariya bo‘lishi oqibatida Olmaota, Chimkent, Taras, Turkiston (viloyatlarida) va atrof hududlarida Elektr energiya ta’minotida o‘chishlar yuzaga kelgan. Toshkent shahar IIBB esa tibandliklarning oldini olish maqsadida ko‘chaga zarurat bo‘lmasa, shaxsiy mashinada chiqmaslikni tavsiya qilmoqda.
Izoh (0)