Ijtimoiy tarmoqlarda Surxondaryo viloyatining Sho‘rchi tumanida qizi va opasi bilan kundoshini “samosud” qilgan ayolning videosi tarqalgan edi. Holat tumanning “Navro‘z” mahallasi hududidagi yo‘l chetiga o‘rnatilgan kuzatuv kamerasiga muhrlangan. “Sevimli” telekanalining “Zamon” informatsion dasturida ma’lum qilinishicha, ayollarga nisbatan sud hukmi o‘qilgan.
Ma’lum qilinishicha, jamoat joyida qonunga xilof ish qilib, kundoshining sochlarini kesgan va tan jarohati yetkazgan ayol hamda uning opasiga jinoyat ishlari bo‘yicha Sho‘rchi tuman sudida hukm o‘qilgan. Unga ko‘ra, ayblanuvchilarning har ikkisi 3 yil-u 6 oy muddatga ozodlikdan mahrum etilgan.
Jabrlanuvchi sud hukmidan xursand ekani, biroq ayblanuvchilar qilgan ishidan pushaymonligi sabab suddan ularga qamoq bilan bog‘liq bo‘lmagan jazo berilishini so‘rayotganini bildirgan. Ta’kidlanishicha, ikkala ayblanuvchining ham ikki yoshli farzandlari bor.
Biroq aybdorlarga nisbatan chiqarilgan sud hukmi o‘zgartirishsiz qoldirilgan.
Avvalroq Xorazmda oilali erkak bilan 16 yoshidan yashab kelgan qizni “samosud” qilgan ayollarga sud hukmi o‘qilgani to‘g‘risida xabar berilgandi.
Mavzuga doir:
- Sirdaryoda noma’lum shaxslar “samosud” uyushtirgani tasvirlangan video bo‘yicha ma’lumot berildi
- O‘zbekistonda “samosud”ni videoga olib tarqatgan shaxs 22 mln so‘m jarimaga tortiladi
- Xorazmda bir guruh ayollarning boshqa bir ayolni yechintirib, jarayonni videoga olgani yuzasidan jinoyat ishi qo‘zg‘atildi
Izoh (0)