O‘zbekistonga 21-yanvar, juma kuni Kaspiy dengizidan sovuq antisiklon kirib kelib, shanba kuni respublikaning barcha hududlarini qamrab oladi, deb xabar bermoqda “O‘zgidromet”.
Qayd etilishicha, 22-yanvar kuni O‘zbekistonda bulutli va sovuq ob-havo bo‘lishi kutilmoqda. Respublika bo‘yicha yomg‘ir va qor ko‘rinishidagi biroz yog‘ingarchilik bo‘ladi, tog‘li hududlarda qor yog‘adi. Harorat kunduzi 0-5 daraja iliqdan oshmaydi.
21—22-yanvar kunlari sovuq front o‘tishida respublika bo‘yicha shamol 17-22 metr/sekundgacha kuchayishi mumkin.
Mavzuga doir: O‘zbekistonning ayrim hududlarida 22-yanvar kuni yomg‘ir yog‘ib, qorga aylanishi mumkin
Dam olish kunlari, shuningdek, siklon ta’sirida tuman hosil bo‘ladi, ko‘rinuvchanlik yomonlashadi.
Eslatib o‘tamiz, O‘zbekistonning tog‘li hududlarida 28-yanvargacha qor ko‘chish xavfi mavjud.
Izoh (0)