Banan va tvorog qo‘shib tayyorlanadigan mazali tort retsepti

Ajoyib ta’mga ega shirinlik oilaning barcha a’zolariga manzur keladi.

Kerakli mahsulotlar:

• un – 80 gramm;
• kakao kukuni – 4 osh qoshiq;
• qabartma – 1 choy qoshiq;
• tuxum – 5 dona;
• shakar – 170 gramm;
• banan – 1-2 dona;
• tvorog – 300 gramm;
• shakar upasi – 100 gramm;
• qaymoq – 200 ml;
• qora shokolad – 120 gramm;
• sariyog‘ – 1 osh qoshiq;
• sut – 2 osh qoshiq;
• tuz.

1. Un va qabartma elakdan o‘tkaziladi. Tuxum oqlari sarig‘idan ajratiladi va bir chimdim tuz solinib, mikser qilinadi.
2. Mikser qilish jarayonida tuxum oqiga asta-sekin shakar qo‘shib boriladi.
3. Massaga sekin tuxum sarig‘i qo‘shiladi va yana mikser qilinadi.
4. Un va qabartma aralashmaga qo‘shiladi, xamir asta-sekin aralashtiriladi.
5. Tayyor bo‘lgan xamir qolipga quyiladi, 40-45 daqiqa davomida 170 daraja pechda pishirishga qo‘yiladi.
6. Biskvit pishgach, 5-6 soatga muzlatkichga qo‘yiladi.
7. Banan va tvorog blenderda maydalanadi, ustidan shakar upasi qo‘shiladi.
8. Qaymoq mikser qilinadi va ehtiyotkorlik bilan tvorog aralashmasiga qo‘shiladi.
9. Biskvit aylanasiga 2-3 qismga bo‘linadi. Ularning orasiga qaymoqli krem surtilib, bir-birining ustiga qo‘yiladi.
10. Biskvitning yon qismlariga ham krem surtiladi va 4-5 soatga muzlatkichga qo‘yiladi.
11. Shuningdek, biskvitni shakarli suv bilan namlash mumkin.
12. Shokoladning yarmi maydalanib, sariyog‘ va sut bilan eritib olinadi.
13. Aralashma tort ustidan quyiladi va yana 15-20 daqiqaga muzlatkichga qo‘yiladi.
14. Qora shokoladning qolgan qismi qirg‘ichdan o‘tkaziladi va tortning yuzasiga sepiladi.