3-yanvar kuni Toshkent viloyati O‘rta Chirchiq tumanidan o‘tgan poyezd yo‘lida sodir bo‘lgan baxtsiz hodisa oqibatida bir kishi halok bo‘ldi, deb xabar beradi Transport va turizm obyektlarida xavfsizlikni ta’minlash departamenti.
Ma’lum qilinishicha, tumanning “Boyovul” MFYda yashagan N.A. temiryo‘l izi atrofida qulog‘iga naushnik taqib, chorva mollarini boqib yurgan vaqtida To‘ytepa—Ozodlik yo‘nalishidan kelayotgan yuk poyezdi urib yuborishi oqibatida vafot etdi.
Mazkur holat yuzasidan 6-yanvar kuni ushbu mahallada baxtsiz hodisa muhokamasi bo‘lib o‘tgan. Yig‘ilishda fuqarolarga temiryo‘l atroflarida naushniklardan foydalanmaslik, yo‘lovchi va yuk poyezdlarining xavfsiz harakatlanishini taminlash maqsadida temiryo‘l izining belgilanmagan joylaridan kesib o‘tmaslik bo‘yicha tushunchalar berilgan.
Avvalroq Toshkent viloyatida “elektrichka” temiryo‘l relslari orasida yotgan mast erkakni turtib yuborgani, Xorazmda temiryo‘l relsi yonida uxlab qolgan mast fuqaro sabab Xiva—Toshkent poyezdi 16 daqiqa to‘xtab qolgani, Samarqandda yuk poyezdi quloqchin taqqan yigitni urib ketmaslik uchun favqulodda to‘xtashni amalga oshirgani, Samarqand viloyatida poyezd urib ketishi oqibatida uch kishi, jumladan, 8-sinf o‘quvchisi halok bo‘lgani to‘g‘risida xabar berilgandi.
Izoh (0)