Meksika qamoqxonasidagi tartibsizliklarda 56 nafar mahbus tan jarohati oldi

Meksika shimolidagi qamoqxonada g‘alayon sodir bo‘ldi, natijada 56 nafar mahbus tan jarohati oldi. Bu haqda Associated Press xabar berdi.

Monterrey shahri yaqinidagi Apodaka qamoqxonasida kuzatilgan tartibsizliklarning boshlanishiga mahbuslarning bir qismi boshqalaridan po‘pisa bilan pul undirgani sabab bo‘lgan.

Nuevo-Leon shtatining jamoat xavfsizligi bo‘yicha davlat kotibi Aldo Fashi barcha jarohatlar kaltaklash natijasi ekanini aytdi.

“To‘qnashuvlar davomida o‘qotar qurol ishlatilmagan, barcha jarohatlar zarbalarning oqibati. Mahbuslarning bosh qismiga to‘mtoq buyumlar yoki toshlar bilan jarohat yetkazilgan”, — deydi Fashi.

U mahbuslarning aksariyati sanoat korxonalarida ishlashi va haftaning juma kunida maosh olishini aytdi. Fashining so‘zlariga ko‘ra, qamoqxonadagi kamida beshta jinoiy guruh boshqa mahbuslardan pul talab qilgan.

Hodisadan so‘ng xavfsizlik kuchlari ommaviy tintuvlar uyushtirgan, bu vaqt davomida mahkumlarning ashyolari orasidan noqonuniy mobil telefonlar, pivo va giyohvand moddalar topilgan.

Avvalroq Ekvador qamoqxonasida yuz bergan to‘qnashuvlarda qariyb 70 kishi halok bo‘lgandi.