O‘zbekiston milliy terma jamoasining Yaponiyaga qarshi o‘rtoqlik o‘yini qoldirildi. Bu haqda O‘FA matbuot xizmati xabar berdi.
Qayd etilishicha, koronavirus sabab Yaponiyada karantin qoidalari kuchaytirilgan. Shu sababli Yaponiya futbol assotsiatsiyasi o‘yinni bekor qilishga majbur bo‘lgan. Uchrashuv 21-yanvarda o‘tishi rejalashtirilgandi.
Ma’lumki, dunyoning ko‘plab mamlakatlarida koronavirusning ‘omikron’ shtammiga qarshi kurashish bo‘yicha chora-tadbirlar amalga oshirilyapti. Xususan, ayni kunlarda Yaponiyada ham karantin choralari kuchaytirilmoqda. Shu sababli hukumat tavsiyasiga ko‘ra, Yaponiya futbol assotsiatsiyasi 21-yanvar kuni O‘zbekiston milliy terma jamoasiga qarshi bo‘lib o‘tishi rejalashtirilgan o‘rtoqlik uchrashuvini bekor qilishga majbur bo‘ldi.Xabarda aytilishicha, O‘FA mutaxassislari va terma jamoa murabbiylar shtabi hozirda ushbu sanada boshqa raqib bilan o‘rtoqlik uchrashuvi o‘tkazish borasida ish olib bormoqda.O‘FA bayonoti
Eslatib o‘tamiz, O‘zbekiston milliy terma jamoasi sentabr oyida Shvetsiyaga qarshi o‘rtoqlik o‘yini o‘tkazib, 1:2 hisobida mag‘lub bo‘lgandi. Oktabr oyidagi o‘rtoqlik uchrashuvlarida Malayziya (5:1) ustidan g‘alaba qozonib, Iordaniyaga qarshi o‘yinda (0:3) yengildi. Noyabr oyida esa Gruziyaga kichik hisobda (0:1) mag‘lub bo‘ldi.
Izoh (0)