Instagram: Tug‘ilgan kunini nishonlayotgan Ziyoda, turmushga chiqqan Faridam, mashina xarid qilgan Ruhshona

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarini e’tiboringizga havola etamiz.

“Meni kulishga undaydigan insonlarni yaxshi ko‘raman. Kulish — hayotimdagi eng yaxshi ko‘rgan ishim. Bu ko‘plab kasalliklarni davolaydi. Ehtimol, bu insondagi eng yaxshi xislatdir”, — deb yozdi Munisa Rizayeva yangi surati izohiga.

Rejissor Zebo Navro‘zova o‘g‘li Shohruhxon bilan Dubayda bo‘lib turibdi. U o‘g‘lining mehmonxonadagi lyuks nomeridan muxlislari uchun reportaj tayyorladi.

Shahzoda o‘g‘li Xalid bilan birga ko‘rinish berdi.

Malika Ravshanova “Otam ko‘rmadi” deb nomlangan yangi qo‘shig‘ini muxlislariga taqdim etdi.

Aziza Yoqubova sabrning qanchalik go‘zal tuyg‘u ekanligi haqida mulohaza yuritdi.

Yulduz Usmonova nevaralari bilan birgalikda bo‘g‘irsoq tayyorlayotgani aks etgan videoni sahifasiga joyladi.

San’atdan ketib, hijobga kirgan hamda Turkiyada yashayotgan sobiq xonanda Faridam turmushga chiqdi.

Ra’no va Asal Shodiyevalar hamda Shahlo Zoirova Turkiyaning Istanbul shahrida diydor ko‘rishdi.

Oybek va Nigora o‘g‘illarini olib, tog‘ga yo‘l oldi.

Ayni paytda ijodiy safar bilan Amerikada bo‘lib turgan Ulug‘bek Rahmatullayev Chikagoda yashaydigan o‘zbekistonlik oila xonadonidan reportaj tayyorladi. O‘zbek oilasi xonandani milliy taomlar bilan qarshi olib, hurmat-ehtirom ko‘rsatgan.

Feruza Normatova “Paxmoq kelin” serialida boshqa suratga tushmaydi. Aktrisa unga serialda kam gonorar taklif qilishgani uchun ketishga qaror qilganini ma’lum qildi.

7-yanvar kuni O‘zbekistonda xizmat ko‘rsatgan artist Ziyoda Qobilova tug‘ilgan kunini nishonlamoqda. Xonanda soat millari 00:00 bo‘lishi bilan yaqinlaridan sovg‘alarni qabul qila boshladi hamda ushbu jarayonni muxlislariga ko‘rsatdi.

Shuningdek, xonanda aynan tug‘ilgan kunida yangi “Meni deb” deb nomlangan qo‘shig‘ini muxlislariga taqdim etdi.

Ruhshona Spark sotib oldi. Xonanda ushbu quvonchli voqea bilan uni tabriklayotganlarga minnatdorlik bildirdi.

Nilufar Usmonova ko‘p farzandli onalarga hazil tariqasidagi layfxak ko‘rsatdi. U mashinaga sig‘may qolgan farzandini yukxonada do‘konga olib bordi.