Tashqi ishlar vazirining birinchi o‘rinbosari O‘zbekistonning Xitoydagi yangi elchisi bo‘ladi, deb xabar bermoqda Telegram’dagi “Nigoh” kanali manbalariga tayanib.
Qayd etilishicha, vazir o‘rinbosari Farhod Arziyev vakant bo‘lib turgan O‘zbekistonning Xitoydagi elchisi lavozimiga tayinlanadi. Xitoy tashqi ishlar vazirligi uning nomzodiga rozilik bergan.
U yanvar oyida Xitoy poytaxti Pekinga jo‘nab ketishi kutilmoqda.
Eslatib o‘tamiz, O‘zbekistonning Xitoydagi sobiq elchisi Baxtiyor Saidov 17-noyabr kuni Xalq ta’limi vaziri lavozimiga tayinlangan edi.
“Tashqi ishlar vazirining birinchi o‘rinbosari lavozimiga kim tayinlanishi haqida hozircha xabar berilmadi”, — deyiladi xabarda.