Ronaldu uchun yiliga 90 mln yevro sarflagan “Yuventus”, BAAdan ustun kelgan Server Jeparov shogirdlari va Murodov bilan bir kunda jang qiladigan Maxachev. Eng so‘nggi sport yangiliklari

Dunyo va o‘zbek sportiga oid 21-dekabrning eng muhim xabarlari dayjesti bilan tanishing.

O‘zbekiston

Server Jeparov qo‘l ostidagi O‘zbekiston U-15 terma jamoasi 21-dekabr kuni BAAga qarshi o‘rtoqlik o‘yinida ishtirok etdi. Dubayda bo‘lib o‘tgan bahsda o‘zbekistonlik futbolchilar minimal hisobdagi g‘alabani qo‘lga kiritdi.

“Sherlar” 2021-yilgi mavsumni ko‘tarinki ruhda o‘tkazgan futbolchi bilan kelishuvni yana 2 yilga uzaytirdi. Shu tariqa Xolmatov 2023-yil dekabriga qadar “Paxtakor”da qoladi. Bu haqda klub matbuot xizmati ma’lum qildi.

Diyor “Paxtakor” safida 2020-yil debyut qilgan. Shu vaqtga qadar u Toshkent klubi safida 31 o‘yin o‘tkazib, ikkita gol urishga ulgurdi.

Jahon

La Gazzetta dello Sport ma’lumotlariga ko‘ra, turinliklar Ronaldu bilan hamkorlikning uch yili davomida 277 million yevro sarflagan. Bu miqdorga futbolchining transferi, maoshi va boshqa xarajatlariga ketgan pul kiradi.

Eslatib o‘tamiz, Ronaldu Turin klubi safida 2018—2021-yillar oralig‘ida to‘p tepdi.

Shuningdek, “Yuventus” 2016—2020-yillar davomida klubda to‘p surgan Gonsalo Iguain uchun 122 million yevro sarf qilgan.

Neymar yana 4–5 hafta maydonga tusha olmaydi

“PSJ” jamoa hujumchisi Neymarning tiklanish jarayoni haqida ma’lumot berdi. Qayd etilishicha, braziliyalik futbolchining maydonga qaytishigacha yana 4–5 hafta vaqt bor.

Eslatib o‘tamiz, Neymar noyabr oyi oxirida chap oyoq boldir oshig‘idan jarohat olgandi. O‘shanda futbolchi yanvar oyi o‘rtalariga qadar safdan chiqqani aytilgandi.

Neymar Liga 1 joriy mavsumida 10 ta o‘yin o‘tkazib, uchta gol urishga erishdi.

“Liverpul” Erling Holand uchun kurashga qo‘shildi

Mersisaydlar yozgi transfer oynasida markaziy hujumchi sotib olmoqchi. Holand nomzodlardan biri bo‘lib turibdi, deya xabar qilmoqda Sky Sport Deutschland.

Ushbu transfer Muhammad Salohni jamoada olib qolishga yordam berishi mumkin. Misrlik futbolchi yangi shartnoma tuzishdan avval “Liverpul” tarkibni sezilarli darajada kuchaytirishiga ishonch hosil qilmoqchi.

Norvegiyalik futbolchi joriy mavsum “Borussiya D” safida 16 o‘yin o‘tkazib, 19 ta gol va to‘rtta golli uzatmaga muallif bo‘ldi.

“Manchester Yunayted” Kavanini yozgacha olib qolmoqchi, “Barselona” esa uni yanvarda qo‘lga kiritish istagida

Mankunianlar koronavirus bilan bog‘liq vaziyat sabab tarkibdagi keng tanlovni saqlab qolmoqchi. Shu sabab “Yunayted” Edinson Kavanini qishki transfer oynasida qo‘yib yubormoqchi emas, deya xabar bermoqda Daily Mail.

“Barselona”ga esa hozirda hujumchi juda zarur. Avvalroq katalonlar urugvaylik futbolchi bilan shaxsiy shartnoma borasida kelishuvga erishgani xabar qilingandi.

Islom Maxachevning UFC’dagi navbatdagi jangi sanasi va raqibi rasman tasdiqlandi

Yengil vazn toifasi vakili bo‘lgan Maxachev (21-1) navbatdagi jangini 27-fevral kuni Beneil Dariushga (21-4-1) qarshi o‘tkazadi. Buni promoushen matbuot xizmati tasdiqladi. Mazkur bellashuv Fight Night turkumidagi musobaqaning asosiy jangi bo‘ladi.

Ushbu musobaqada o‘zbekistonlik yakkakurashchi Mahmud Murodov ham o‘z jangini o‘tkazadi.