Ijtimoiy tarmoqda YPX xodimi va avtotransport vositalarini yuvish shoxobchasi ishchi xodimi o‘rtasida tortishuv aks etgan video tarqaldi. Holat yuzasidan YHXBB ma’lumot berdi.
Qayd etilishicha, 2021-yil 16-dekabr kuni soat 17:00 larda Qoraqalpog‘iston Respublikasi IIV YHXB YPX xodimi A.Atao‘bayev hamda Chimboy tumanida joylashgan avtotransport vositalarini yuvish shoxobchasi ishchi xodimi o‘rtasida tortishuvli vaziyat aks etgan videolavha bo‘yicha Qoraqalpog‘iston IIV YHXB mas’ul xodimlari tomonidan xizmat tekshiruvi o‘tkazilmoqda.
Tekshiruv xulosasi bo‘yicha qo‘shimcha ma’lumot berilishi ta’kidlandi.
Bundan avval Andijonda haydovchi bilan qo‘pol munosabatda bo‘lgan YPX xodimi ishdan haydalgani, Qashqadaryoda YPX xodimining faoliyatiga qarshilik ko‘rsatgan haydovchi 10 sutkaga qamalgani hamda Farg‘onada yo‘l qoidasini buzgan YPX xodimi jarimaga tortilgani haqida xabar berilgandi.
Izoh (0)