Samarqand xalqaro aeroporti qayta ishga tushishi munosabati bilan Uzbekistan Airways bir qator mahalliy va xalqaro parvozlarni tiklashi haqida xabar berilgan edi.
Kompaniya matbuot xizmatining ma’lum qilishicha, mahalliy yo‘nalishlardan Toshkent—Samarqand—Toshkent yo‘nalishi yana yo‘lga qo‘yiladi. Birinchi qatnovlar 14, 15 va 16-dekabrga rejalashtirilgan.
Aviaqatnovlar jadvali bilan aviakompaniya saytida batafsil tanishish mumkin. Aviachiptalarni Uzbekistan Airways saytidan, Uzbekistan Airways Sales filialidan yoki aviakompaniya agentlaridan xarid qilib olish mumkin.
Eslatib o‘tamiz, Samarqand xalqaro aeroporti 2021-yil 20-oktabrdan 20-noyabrgacha yangi aerodrom majmuasini ishga tushirishga tayyorgarlik ishlari munosabati bilan parvozlarni vaqtincha to‘xtatgandi. Keyinchalik Uzbekistan Airports aeroportining yopilishi dekabr oyining o‘rtalariga qadar uzaytirilganini ma’lum qilgandi. Aeroport 10-dekabrda qayta ishga tushdi.
Izoh (0)