O‘zbekistonda 500 mingdan ortiq ma’lum yoshdagi bolalar koronavirusga qarshi Pfizer vaksinasi bilan emlandi, deya xabar qilmoqda SSV.
Qayd etilishicha, 10-dekabr holatiga ko‘ra, O‘zbekistonda 500 694 nafar 12 yoshdan 18 yoshgacha bo‘lgan bolalar Pfizer vaksinasi bilan ixtiyoriy ravishda emlandi.
Xususan, bolalarni koronavirusga qarshi emlash jarayoni Farg‘ona (102 232 doza), Samarqand (86 569 doza) va Andijon (57 259 doza) viloyatlarida yuqori bo‘lgan. Eslatib o‘tamiz, 12 yoshdan katta bolalarni Pfizer bilan emlash 2021-yil 28-sentabr kuni e’lon qilingan edi.
Bundan avval O‘zbekistonga Pfizer vaksinasining 301 860 dozalik partiyasi olib kelingani, O‘zbekistonda foydalanilgan vaksinalar soni 35 mln dozadan oshgani hamda O‘zbekistonda koronavirusga qarshi buster doza bilan emlash boshlangani haqida xabar berilgandi.
Izoh (0)